នគរបាលខណ្ឌដង្កោឃាត់ខ្លួនក្រុមចោរ៦នាក់ចូលលួចសម្ភារៈនៅក្នុងរោងចក្រ
13-June-2018 | ដោយ ពលមនសិការ
ភ្នំពេញ ៖ លោកវរសេនីយ៍ឯក ជឹម ស៊ីថា អធិការនគរបាលខណ្ឌដង្កោបានដឹកនាំងកម្លាំងស្រាវជ្រាវឃាត់ខ្លួនជនសង្ស័យ៦នាក់ពាក់ព័ន្ធករណីលួចមានស្ថានទម្ងន់ទោស ដោយសារការគាស់ទំលុះទំលាយ (គាស់ទ្វារ និងកាត់សំណាញ់ដែករោងចក្រចូលលួចស្បែកសម្រាប់ផលិតទ្រនាប់ជើង) កាលពីថ្ងៃអាទិត្យ ៥រោច ខែជេស្ឋ ឆ្នាំច សំរឹទ្ធិស័ក ព.ស២៥៦២ ត្រូវនឹងថ្ងៃទី០៣ ខែមិថុនា ឆ្នាំ២០១៨ វេលាម៉ោង២៣និង១០នាទី ត្រង់ចំណុចរោងចក្រស៊ុភឺឈែម ស្ថិតនៅភូមិរោលជ្រូក សង្កាត់ព្រៃវែង ខណ្ឌដង្កោ រាជធានីភ្នំពេញ ។
លោកវរសេនីយ៍ទោ ឈឹម ប៊ុនរ័ត្ន អធិការរងនគរបាលខណ្ឌដង្កោបានឱ្យដឹងថាជនសង្ស័យទាំង៦នាក់រួមមានទី១-ឈ្មោះ ឆុំ លិ ភេទប្រុស អាយុ២១ឆ្នាំ មុខរបរកម្មកររោងចក្រ ជនជាតិខ្មែរ ស្នាក់នៅផ្ទះជួលបុរីសន្តិភាព២ ស្ថិតនៅភូមិដំណាក់ត្រយឹង សង្កាត់ចោមចៅ ខណ្ឌពោធិ៍សែនជ័យ រាជធានីភ្នំពេញ, ទី២-ឈ្មោះ វ៉េត ធីវ៉ាត ហៅ ម៉េង ភេទប្រុស អាយុ២៣ឆ្នាំ ជនជាតិខ្មែរ មុខរបរកម្មកររោងចក្រ ស្នាក់នៅផ្ទះជួលភូមិព្រៃស្ពឺ សង្កាត់ចោមចៅ ខណ្ឌពោធិ៍សែនជ័យ រាជធានីភ្នំពេញ, ទី៣-ឈ្មោះ ហេង នា ភេទប្រុស អាយុ២០ឆ្នាំ ជនជាតិខ្មែរ មុខរបរកម្មកររោងចក្រ ស្នាក់នៅផ្ទះជួលបុរីសន្តិភាព២ ស្ថិតនៅភូមិដំណាក់ត្រយឹង សង្កាត់ចោមចៅ ខណ្ឌពោធិ៍សែនជ័យ រាជធានីភ្នំពេញ, ទី៤-ឈ្មោះ ឌឹម សុខជា ហៅ ជា ភេទប្រុស អាយុ១៨ឆ្នាំ ជនជាតិខ្មែរ មុខរបរកម្មកររោងចក្រ ស្នាក់នៅផ្ទះជួលភូមិរោលជ្រូក សង្កាត់ព្រៃវែង ខណ្ឌដង្កោ រាជធានីភ្នំពេញ, ទី៥-ឈ្មោះ សារុន សុខរស់ ហៅ រស់ ភេទប្រុស អាយុ២៤ឆ្នាំ ជនជាតិខ្មែរ មុខរបរកម្មកររោងចក្រ មានទីលំនៅភូមិព្រៃវែងលិច សង្កាត់ព្រៃវែង ខណ្ឌដង្កោ រាជធានីភ្នំពេញ និងជនសង្ស័យទី៦-ឈ្មោះ ម៉ៅ ដាណ្ណា ភេទប្រុស អាយុ២៣ឆ្នាំ មុខរបរកម្មកររោងចក្រ ស្នាក់នៅផ្ទះជួលភូមិព្រៃទា សង្កាត់ចោមចៅ ខណ្ឌពោធិ៍សែនជ័យ រាជធានីភ្នំពេញ។
ជនរងគ្រោះឈ្មោះ តុង ឃីងលន់ ភេទប្រុស អាយុ៦១ឆ្នាំ ជនជាតិចិន មុខរបរប្រធានគណនេយ្យ និងជាអ្នកគ្រប់គ្រងរោងចក្រស៊ុភឺឈែម ស្ថិតនៅភូមិរោលជ្រូក សង្កាត់ព្រៃវែង ខណ្ឌដង្កោ រាជធានីភ្នំពេញ។
វត្ថុតាងចាប់យក៖-ទូរស័ព្ទដៃម៉ាក Iphone5 ពណ៌ទឹកមាសមួយគ្រឿង -ទូរស័ព្ទដៃម៉ាក Iphone5S មួយគ្រឿង -ទូរស័ព្ទដៃម៉ាក Nokia ពណ៌ក្រហមលាយខ្មៅ គ្រឿង -ទូរស័ព្ទ ដៃម៉ាកសាំសុងមួយគ្រឿង -កាបូបដាក់លុយចំនួន០២ លុយខ្មែរចំនួន៤០០០០រៀល (បួនម៉ឺនរៀល)។
លោកអធិការរងបន្តថាកាលពីថ្ងៃទី០៤ ខែមិថុនា ឆ្នាំ២០១៨ វេលាម៉ោង០៧និង០៣នាទីព្រឹក ជនរងគ្រោះបានក្រោកឡើងពីដេក ស្រាប់តែឈ្មោះ សៀវ គីមឆាយ ភេទប្រុស អាយុ៣៨ឆ្នាំ (អ្នកបកប្រែ) បានទូរស័ព្ទប្រាប់ជនរងគ្រោះថា មានចោរលួចគាស់រោងចក្រ រួចជនរងគ្រោះក៏បានដើរមើលឃើញទ្វាររោងចក្រ និងរបងរោងចក្រត្រូវបានជនសង្ស័យធ្វើសកម្មភាពគាស់ទំលុះទំលាយ និងកាត់របងខាងក្រៅចូលលួចយកអស់ស្បែកសម្រាប់ផលិតទ្រនាប់ ជើងអស់មួយចំនួនសរុបទឹកប្រាក់ប្រហែល៤០០០០ដុល្លារ (បួនម៉ឺនដុល្លារអាមេរិក)។ បន្ទាប់មកជនរងគ្រោះក៏បានរាយការណ៍ជូនសមត្ថកិច្ចប៉ុស្តិ៍នគរបាលរដ្ឋបាលព្រៃវែង ឱ្យជួយអន្តរាគមន៍ ហើយសមត្ថកិច្ចយើងក៏បានទៅដល់កន្លែងកើតហេតុ ពិនិត្យស្លាកស្នាម ឆែកមើលកាមេរ៉ាសុវត្ថិភាពដែលបានបំពាក់នៅរោងចក្រ សាកសួរបំភ្លឺជនរងគ្រោះ សាក្សី កំណត់បានមុខសញ្ញាជនសង្ស័យម្នាក់ក្នុងចំណោមជនសង្ស័យមួយក្រុមដែលបានធ្វើសកម្មភាពខាងលើឈ្មោះ សារុន សុខរស់ ហៅ រស់ គឺជាជនសង្ស័យនិងបក្ខពួកបានធ្វើសកម្មភាពនៅវេលាម៉ោង២៣និង១០នាទី ថ្ងៃទី០៣ ខែមិថុនា ឆ្នាំ២០១៨ រួចបានគេចខ្លួនបាត់។ ហើយជនរងគ្រោះក៏បានមកដាក់ពាក្យបណ្តឹងទៅលើជនសង្ស័យ ដើម្បីឱ្យសមត្ថកិច្ចជួយស្រាវជ្រាវ។ លុះដល់ថ្ងៃទី១១ ខែមិថុនា ឆ្នាំ២០១៨ វេលាម៉ោង០៨និង៣០នាទី សមត្ថកិច្ចយើងបានស្រាវជ្រាវឃាត់ខ្លួនជនសង្ស័យឈ្មោះ សារុន សុខរស់ ហៅ រស់ បានត្រង់ចំណុចសាលាសង្កាត់ព្រៃវែង ស្ថិតនៅភូមិព្រៃវែងខាងលិច សង្កាត់ព្រៃវែង ខណ្ឌដង្កោ រាជធានីភ្នំពេញ យកមកធ្វើការសាកសួរនៅអធិការដ្ឋាននគរបាលខណ្ឌដង្កោ។ ក្រោយពីធ្វើការសាកសួរជនសង្ស័យឈ្មោះ សារុន សុខរស់ ហៅ រស់ បានឆ្លើយសារភាពប្រាប់សមត្ថកិច្ចយើងឱ្យដឹងថា រូបគេ រួមជាមួយកម្មកររោងចក្រស៊ុភឺឈែមដូចគ្នាមានចំនួន០៦នាក់ទៀត ទី១-ឈ្មោះ ឆុំ លិ ទី២-ឈ្មោះ វ៉េត ធីវ៉ាត ហៅ ម៉េង ទី៣-ឈ្មោះ ហេង នា ទី៤-ឈ្មោះ ឌឹម សុខជា ហៅ ជា ទី៥-ឈ្មោះ ម៉ៅ ដាណ្ណា ទី៦-ឈ្មោះ សួង សុធារ័ដ្ឋ ហៅ ឈីត ជាអ្នកធ្វើសកម្មភាពលួចគាស់ទ្វាររោងចក្រ និងកាត់សំណាញ់របងលួចយកស្បែកផលិត ទ្រនាប់ជើងរបស់រោងចក្រស៊ុភឺឈែម ទៅលក់នៅម្តុំផ្សារមាន់អាំង ស្ថិតនៅខណ្ឌទួលគោក រាជធានីភ្នំពេញ។ ហើយនៅវេលាម៉ោង១២និង៣០នាទី ថ្ងៃខែឆ្នាំដដែល សមត្ថកិច្ចយើងក៏បានធ្វើការស្រាវជ្រាវឃាត់ខ្លួនជនសង្ស័យជាបក្ខពួកបានចំនួន០៤នាក់ទៀត ទី១-ឈ្មោះ ឆុំ លិ ទី២-ឈ្មោះ វ៉េត ធីវ៉ាត ហៅ ម៉េង ទី៣-ឈ្មោះ ហេង នា ទី៤-ឈ្មោះ ឌឹម សុខជា ហៅ ជា ឃាត់បានត្រង់ចំណុចរោងចក្រស៊ុភឺឈែម រួមនិងវត្ថុតាងៈ-ទូរស័ព្ទដៃម៉ាក Iphone5 ពណ៌ទឹកមាសមួយគ្រឿង -ទូរស័ព្ទដៃម៉ាក Iphone5S មួយគ្រឿង -ទូរស័ព្ទដៃម៉ាក Nokia ពណ៌ក្រហមលាយខ្មៅគ្រឿង -ទូរស័ព្ទ ដៃម៉ាកសាំសុងមួយគ្រឿង ៥.កាបូបដាក់លុយចំនួន០២ , លុយខ្មែរចំនួន៤០០០០រៀល (បួនម៉ឺនរៀល) ។ ស្ថិតនៅភូមិរោលជ្រូក សង្កាត់ព្រៃវែង ខណ្ឌដង្កោ រាជធានីភ្នំពេញ យកមកធ្វើការសាកសួរ ។ លុះដល់ថ្ងៃទី១២ ខែមិថុនា ឆ្នាំ២០១៨ វេលាម៉ោង១១និង៥០នាទី សមត្ថកិច្ចយើងបានធ្វើការស្រាវជ្រាវឃាត់ខ្លួនបានជនសង្ស័យម្នាក់ទៀតឈ្មោះ ម៉ៅ ដាណ្ណា ឃាត់បានត្រង់ ចំណុចរោងចក្រស៊ុភឺឈែមខាងលើ យកមកធ្វើការសាកសួរនៅអធិការដ្ឋាននគរបាលខណ្ឌដង្កោ។ ក្រោយពីសាកសួរជនសង្ស័យខាងលើបានឆ្លើយសារភាពប្រាប់សមត្ថកិច្ចយើងថា ពួកគេ និងបក្ខពួក ពិតជាបានធ្វើសកម្មភាពលួចគាស់ទ្វារ និងកាត់សំណាញ់ដែករបងរោងចក្រស៊ុភឺឈែម ចូលលួចស្បែកសម្រាប់ផលិតទ្រនាប់ជើងរបស់រោងចក្រស៊ុភឺឈែមខាងលើ យកទៅលក់នៅម្តុំផ្សារមាន់អាំង ស្ថិតនៅ ខណ្ឌទួលគោក រាជធានីភ្នំពេញ លក់អោយអ្នកទិញមិនស្គាល់ ឈ្មោះ អាយុប្រហែល៣២ឆ្នាំ មានមាឌតូចល្មម សម្បុរខ្មៅ ស្រអែម កំពស់ប្រហែល ១៦០សង់ ទីម៉ែត្រមុខរាងវែងសក់ស្លូតប្រាកដមែន។ បន្ទាប់ពីមានចម្លើយសារភាពរបស់ជនសង្ស័យម្នាក់ ឈ្មោះ សារុន សុខរស់ ហៅ រស់ និងឈ្មោះ ឆុំ លិ ហើយមានការសម្របសម្រួលពីលោក សេង ហៀង ព្រះរាជអាជ្ញារង នៃអយ្យការអមសាលាដំបូងរាជធានីភ្នំពេញ បានអនុញ្ញាតអោយសមត្ថកិច្ចយើងឃាត់ខ្លួនជនសង្ស័យខាងលើ ចាត់ការតាមផ្លូវច្បាប់តែម្តង ។
បច្ចុប្បន្នជនសងសង្ស័យ ទាំង០៦នាក់ ខាងលើកំពុងតែធ្វើការឃាត់ខ្លួនបណ្ដោះអាសន្ននៅអធិការដ្ឋាននគរបាលខណ្ឌដង្កោ ដើម្បីកសាសំណុំរឿងបញ្ជូនទៅសាលាដំបូងរាជធានីភ្នំពេញចាត់ការតាមនីតិវិធីច្បាប់ ៕
ចំនួនអ្នកទស្សនា
- ថ្ងៃនេះ4991
- ម្សិលមិញ9421
- សប្តាហ៍នេះ60651
- ខែនេះ175801
- ឆ្នាំនេះ175801
- សរុប20618257